Tu aye aseer-e-makaan, la-makaan se door nahi
Woh jalwah-gaah tere khaakdaan se door nahi
Woh murghzaar ke beem-e-khizaan nahi jis mein
Ghamgeen na ho ke tere aashiyaan se door nahi
Yeh hai khulasa-e-ilm-e-qalandari ke hayaat
Khadang-e-justa hai lekin kamaan se door nahi
Faza teri meh o parween se hai zara aage
Qadam uthha yeh maqaam aasmaan se door nahi
Kahe na raahnuma se ke chhor de mujh ko
Yeh baat raahro nukta-daan se door nahi
