Dhoondh ujre hue logon mein wafa ke moti
Yeh khazane tujhe mumkin hai kharaabon mein milen
Gham-e-duniya bhi gham-e-yaar mein shaamil kar lo
Nasha barhta hai sharabein jo sharabon mein mile
Tu Khuda hai na mera ishq farishte jaisa
Dono insaan hain to kyun itne hijabon mein milen
Aaj hum daar pe kheenchay gaye jin baaton par
Kya ajab kal woh zamane ko nasabon mein mile
Ab na woh main na woh tu hai na woh maazi hai Faraaz
Jaise do shakhs tamanna ke saraabon mein milen
