Yun haath nahin aata woh gauhar-e-yak daana
Yak-rangi o azaadi, aye himmat-e-mardaana
Ya Sanjar-o-Tughrel ka aa’een-e-jahangiri
Ya mard-e-qalandar ke andaaz-e-malukana
Ya hairat-e-Farabi ya taab-o-tab-e-Rumi
Ya fikr-e-hakeemana ya jazb-e-Kalimana
Ya aql ki rubahi ya ishq-e-Yadullahi
Ya heelah-e-afrangi ya hamlah-e-turkana
Ya shara’-e-Musulmani ya deyr ki darbani
Ya naara-e-mastana, Ka’aba ho ke butkhana
Meri mein faqiri mein shahi mein ghulami mein
Kuch kaam nahin banta be jura’at-e-rindana
