Posted on

Hazaar khauf ho lekin zuban ho dil ki raafiq”

“Hazaar khauf ho lekin zuban ho dil ki raafiq Yahi raha hai azal se qalandaron ka tareeq”

“Hujum kyun hai zyada sharab khane mein Faqat yeh baat ke peer-e-maghan hai mard-e-khaleeq”

“Ilaaj-e-zauf-e-yaqeen in se ho nahi sakta Ghareeb agarche hain Raazi ke nuktaaye daqiq”

Mureed saada to ro ro ke ho gaya taib Khuda kare ke mile sheikh ko bhi yeh tawfeeq

“Isi talism-e-kuhn mein aseer hai Aadam Baghal mein iski hain ab tak butaan-e-ahd-e-ateeq”

“Mere liye to hai iqraar ba-alsaan bhi bahut Hazaar shukr ke mila hain sahib-e-tasdiq”

“Agar ho ishq to hai kufr bhi musalmani Nah ho to mard-e-muslim bhi kafir o zindiq”

 

Posted on

“Khudi ho ilm se mohkam to ghairat Jibreel”

“Khudi ho ilm se mohkam to ghairat Jibreel Agar ho ishq se mohkam to soor Israfeel”

“Azab-e-danish-e-haazir se ba khabar hoon main Ke main is aag mein daala gaya hoon misal-e-Khaleel”

“Faraib khorida-e-manzil hai karwan warna Zyada rahat-e-manzil se hai nasht-e-raheel”

Nazar nahi to mere halqa-e-sukhan mein na baith Ke nuktaaye khudi hain misaal tegh-e-aseel”

“Mujhe woh dars-e-Farang aaj yaad aate hain Kahan huzoor ki lazat, kahan hijab-e-daleel”

“Andheri shab hai juda apne qaflay se hai tu Tere liye hai mera sho’la-e-nawa qandeel”

Related Posts:

Posted on

“Fitrat ko khird ke rubaru kar”

“Fitrat ko khird ke rubaru kar Takhzeer maqam rang o boo kar”

“Tu apni khudi ko kho chuka hai Khoi hui shay ki justuju kar”

Taaron ki fiza hai bekarana Tu bhi yeh maqam aarzu kar”

Aryan hain tere chaman ki hoorain Chaak-e-gul o laala ko rafu kar”

Bezauq nahi agarche fitrat Jo is se nah ho saka woh to kar”

 

Related Posts:

Posted on

Tujhe yaad kiya nahin hai mere dil ka woh zamaana

Tujhe yaad kiya nahin hai mere dil ka woh zamaana
Woh adab-gah-e-mohabbat, woh nigah ka taziyana

Yeh butaan-e-asr-e-haazir ke bane hain madarse mein
Na adaaye kaafirana, na taraash-e-aazraana

Nahiin is khuli fiza mein koi goshah-e-faraghat
Yeh jahaan ajab jahaan hai, na qafas na aashiyaan

Rag-e-taak muntazir hai teri barish-e-karam ki
Ke ajam ke mai-kadon mein na rahi mai-e-maghana

Teri banda-parwari se mere din guzr rahe hain
Na gila hai doston ka, na shikayat zamana

 

Related Posts:

Posted on

Aashiqui mein Mir jaise khwaab mat dekha karo

Aashiqui mein Mir jaise khwaab mat dekha karo
Bawlay ho jaoge, mahtab mat dekha karo

Justa justa parh liya karna mazameen-e-wafa
Par kitaab-e-ishq ka har baab mat dekha karo

Is tamashe mein ulat jaati hain aksar kishtiyan
Doobne walon ko zair-e-aab mat dekha karo

Mai kade mein kya takalluf, mai kashi mein kya hijab
Bazm-e-saqi mein adab aadaab mat dekha karo

Hum se darveshon ke ghar aao to yaaron ki tarah
Har jagah khaskhana o barf-aab mat dekha karo

Maange taange ki qabain der tak rehti nahi
Yaar logon ke laqab o alqaab mat dekha karo

Tashnagi mein lab bhigo lena bhi kaafi hai Faraz
Jaam mein sahba hai ya zehr-aab mat dekha karo

 

Related Posts:

Posted on

Zahir ki aankh se na tamasha kare koi

Khul jaayein, kya maze hain tamannaaye shauq mein Do chaar din jo meri tamanna kare koi

 

 

Nazaaray ko yeh janbish-e mijgaan bhi baar hai Nargis ki aankh se tujhe dekha kare koi

 

Uzr-aafreen jurm-e mohabbat hai husn-e dost Mahshar mein uzr taza na paida kare koi

 

Mansoor ko huwa lab-gooya paighaam-e maut Ab kya kisi ke ishq ka daawa kare koi

 

Ud baithe kya samajh ke bhala toor par Kaleem Taqat ho deed ki to taqaza kare koi

Ho deed ka jo shauq to aankhon ko band kar Hai dekhna yehi ke na dekha kare koi

 

Chhipti nahi hai yeh nagah-e shauq hum-nashin Phir aur kis tarah unhein dekha kare koi

 

 

Main intehaye ishq hoon, tu intehaye husn Dekhe mujhe ke tujh ko tamasha kare koi

 

 

Related Posts:

Posted on

Naala hai bulbul shorida tera khaam abhi

Naala hai bulbul shorida tera khaam abhi Apne seenay mein ise aur zara thaam abhi

Pukhta hoti hai agar maslahat andesh ho aqal Ishq ho maslahat andesh to hai khaam abhi

Bekhatar kood pada aatish-e Namrood mein ishq Aqal hai mehvo-e tamasha-e lab-e baam abhi

 

Ishq farmooda-e qasid se sabuk gaam-e amal Aqal samjhi hi nahi ma’ni-e paighaam abhi

Shivay-e ishq hai azadi o dahr aashoobi Tu hai zanari-e but khanay-e ayaam abhi

Uzr-e parhez pe kehta hai bigad kar saaqi Hai tere dil mein wahi kaawish anjaam abhi

Sa’i-e paiman hai tarazu-e kam o kaif hayat Teri mizaan hai shumar-e seher o shaam abhi

Abr-e naysan yeh tankh bakhshi-e shabnam kab tak Mere kehsaar ke laalay hain tehi jaam abhi

 

Bada gardaan-e ajam woh arabi meri sharab Mere saaghar se jhijakte hain mei aasham abhi

Khabar Iqbal ki laaye hai gulistan se naseem Nau girftar phadakta hai teh daam abhi

 

Related Posts:

Posted on

Har koi dil ki hathili pe hai sahra rakhe

Har koi dil ki hathili pe hai sahra rakhe
Kis ko seeraab kare, woh kise pyaasa rakhe

Umr bhar kaun nibhaata hai talluq itna
Ae meri jaan ke dushman, tujhe Allah rakhe

Hum ko achha nahi lagta koi hum naam tera
Koi tujh sa ho to phir naam bhi tujh sa rakhe

Kam nahi tamaa ibadat bhi to hirs-e-zar se
Faqr to woh hai ke jo deen na duniya raqhy

Hans na itna bhi faqiro ke akele pan par
Ja Khuda meri tarah tujhe bhi tanha rakhe

Yeh qana’at hai, ita’at hai ke chahat hai Faraz
Hum to raazi hain woh jis haal mein jaisa rakhe

Related Posts:

Posted on

Ab ke tajdeed-e-wafa ka nahi imkaan jana

Ab ke tajdeed-e-wafa ka nahi imkaan jana
Yaad kya tujh ko dilayein tera paimaan jana

Yun hi mausam ki ada dekh ke yaad aaya hai
Kis qadar jald badal jaate hain insaan jana

Zindagi teri ata thi so tere naam ki hai
Hum ne jaise bhi basar ki tera ehsaaan jana

Dil yeh kehta hai ke shayad hai fasurda tu bhi
Dil ki kya baat karein, dil to hai naadaan jana

Awwal awwal ki mohabbat ke nashe yaad to kar
Be piye bhi tera chehra tha gulistan jana

Aakhir aakhir to yeh aalam hai ke ab hosh nahi
Rag-e-meena sulag uthi ke rag-e-jaan jana

Muddaton se yehi aalam na tawakku na umeed
Dil pukare hi chala jata hai jana jana

Hum bhi kya saada the, hum ne bhi samajh rakha tha
Gham-e-dawran se juda hai gham jana jana

Ab ke kuch aisi saji mehfil-e-yaaran jana
Sar ba zanoo hai koi, sar ba gareebaan jana

Har koi apni hi awaaz se kanp uthta hai
Har koi apne hi saaye se haraasan jana

Jis ko dekho wahi zanjeer-e-paa lagta hai
Shehar ka shehar hua daakhil-e-zindan jana

Ab tera zikr bhi shayad hi ghazal mein aaye
Aur se aur hue dard ke unwan jana

Hum ke roothi hui rut ko bhi mana lete the
Hum ne dekha hi na tha mausam-e-hijraan jana

Hosh aaya to sabhi khwab the reiza reiza
Jaise udte hue awraaq pareshaan jana

Related Posts: