Read Best Urdu Shayari (Urdu Poetry)
Kya ishq aik zindagi mustaar ka
Kya ishq paa’edar se naa’paa’edar ki
Woh ishq jis ki shama bujha de ajal ki phoonk
Us mein maza nahin tapish-o-intezar ka
Meri bisaat kya hai, tab-o-taab yak nafas
Sholay se be-mahal hai uljhna sharaar ka
Kar pehle mujh ko zindagi-e-jaawidaan ata
Phir zoq-o-shauq dekh dil-e-beqaraar ka
Kaanta woh de ke jis ki khatak la-zawaal ho
Yaarab, woh dard jis ki kasak la-zawaal ho
“Har cheez hai mehwo khud-numaayi
Har zarra shaheed-e-kibriaayi”
“Bay-zauq-e-numood zindagi maut
Tameer-e-khudi mein hai khudayi”
“Rai zor-e-khudi se parbat
Parbat zu’f-e-khudi se rai”
“Taaray awaara o kam aamez
Taqdeer-e-wujood hai judayi”
“”Yeh pichlay pehar ka zard ro chaand
Be raaz o niyaz aashnai”
“Teri qandeel hai tera dil
Tu aap hai apni roshnai”
“Jugnu ki roshni hai kashan-e-chaman mein
Ya shama jal rahi hai phoolon ki anjuman mein”
“Aaya hai aasman se ud kar koi sitara
Ya jaan par gayi hai mehtab ki kiran mein”
“Ya shab ki saltanat mein din ka safeer aaya
Ghurbet mein aa ke chamka, gumnaam tha watan mein”
“Tukma koi gira hai mehtab ki qaba ka
Zarra hai ya numayan sooraj ke pairahan mein
“Husn-e-qadeem ki ek posheeda yeh jhalak thi
Le aayi jis ko qudrat khalwat se anjuman mein”
“Chhotay se chaand mein hai zulmat bhi roshni bhi
Nikla kabhi gahan se, aaya kabhi gahan mein”
Yeh peeran-e-kaleesa o haram, aye waaye majboori
Sila un ki kadd-o-kawish ka hai seenon ki be-noori.
Yaqeen paida kar ae nadan, yaqeen se haath aati hai
Woh darveshi ke jis ke samne jhukti hai faghfoori.
Had-e-idraak se baahir hain baatein ishq o masti ki
Samajh mein is qadar aaya ke dil ki maut hai doori.
Kabhi hairat, kabhi masti, kabhi aah-e-sehergahi
Badalta hai hazaron rang, mera dard-e-mehjoori.
Woh apne husn ki masti se hain majboor-e-pedai
Meri aankhon ki beenai mein hain asbaab-e-mastoori.
Koi taqdeer ki mantiq samajh sakta nahi warna
Na thay Turkhan-e-Usmani se kam Turkhan-e-Temoori.
Zamana dekhe ga jab mere dil se mahshar uthe ga guftagu ka
Meri khamoshi nahi hai, gaye mazaar hai harf-e-arzu ka
Jo mauj darya lagi yeh kehne, safar se qaim hai shaan meri
Gohar yeh bola sadaf nishini hai mujh ko samaan aabroo ka
Na ho tabiyat hi jin ki qaabil, woh tarbiyat se nahi sanwartay
Hawa na sarsabz reh ke paani mein aaks-e-sarv-e-kinaara jo ka
Agar koi shay nahi hai panha, to kyun sarapa talash hoon main
Nigaah ko nazaraye ki tamanna hai, dil ko soda hai jastajoo ka
Chaman mein gulchein se gunchah kehta tha, itna be-dard kyun hai insaan
Teri nigaahon mein hai tabassum, shikasta hona mere saboo ka
Ae baad-e-saba! Kamli walay se jaa kehiyo paighaam mera
Qabze se ummat bechaari ke deen bhi gaya, duniya bhi gayi
Yeh mauj-e-pareshan khatir ko paighaam lab-e-saahil ne diya
Hai door wisaal-e-bahr bhi, tu darya mein ghabra bhi gayi!
Izzat hai mohabbat ki qaim ae Qais! hijaab-e-mahmal se
Mahmal jo gaya izzat bhi gayi, ghairat bhi gayi, Layla bhi gayi
Ki tark-e-tag-o-do qatre ne to aabroo-e-gohar bhi mili
Aawargi-e-fitrat bhi gayi aur kashmakash-e-darya bhi gayi
Nikli to lab-e-Iqbal se hai, kya janiye kis ki hai yeh sada
Paighaam-e-sukoon pohancha bhi gayi, dil-e-mahfil ka tarpa bhi gayi
Kho na ja is seher-o-shaam mein ae saahib-e-hosh
Ek jahaan aur bhi hai jismein na farda hai na dosh
Kis ko maloom hai hungaama-e-farda ka maqaam
Masjid o maktab o mekhana hain muddat se khamosh
Maine paaya hai use ashk-e-sehergaahi mein
Jis dar-e-naab se khaali hai sadaf ki aaghosh
Nai tehzeeb takalluf ke siwa kuch bhi nahi
Chehra roshan ho to kya haajat-e-gulgoona farosh
Saahib-e-saaz ko laazim hai ke ghaafil na rahe
Gaah-e-gaah-e ghalat aahang bhi hota hai suraash
Dil bedaar Farooqi, dil bedaar karaari
Mas Adam ke haq mein kimiya hai dil ki bedaari
Dil bedaar paida kar ke dil khwabida hai jab tak
Na teri zarb hai kaari, na meri zarb hai kaari
Mishaam teez se milta hai sahra mein nishaan iska
Zan o takhmin se haath aata nahin aahuye Taatari
Mir sipah-e-na-saza lashkariyaan shikasta saf
Aah wo teer-e-neem kash jis ka na ho koi hadaf
Tere muheet mein kahin gauhar-e-zindagi nahin
Dhoond chuka main mauj mauj, dekh chuka sadaf sadaf
Ishq bataan se haath utha apni khudi mein doob ja
Naqsh o nigaar deir mein khoon-e-jigar na kar talaf
Khol ke kya bayan karun sar maqam marg o ishq
Ishq hai marg basharaf, marg hayat be sharaf
Suhbat-e-peer-e-Room se mujh pe hua yeh raaz faash
Laakh hakeem sarbajeeb ek Kaleem sar bakaf
Misal-e-Kaleem ho agar ma’rikah azma koi
Ab bhi darakht-e-Toor se aati hai bang “la takhaf”
Khird ne mujh ko ata ki nazar hakeemana
Sikhayi ishq ne mujh ko hadees rindaana
Na baadah hai na suraahi na dour paimana
Faqat nigah se rangeen hai bazm jaanana
Meri nawaye pareshan ko shaayari na samajh
Ke main hoon mahram-e-raaz daroon-e-maikhana
Kali ko dekh ke hai tashna-e-naseem-e-sehar
Isi mein hai mere dil ka tamaam afsana
Koi bataye mujhe yeh ghayab hai ke huzoor
Sab aashna hain yahan, ek main hoon begaana
Farang mein koi din aur bhi thehar jaaun
Mere junoon ko sambhale agar yeh veerana
