Read Best Urdu Shayari (Urdu Poetry)
Khurad ke paas khabar ke siwa kuch aur nahi,
Tera ilaj nazar ke siwa kuch aur nahi.
Har ek maqam se aage maqam hai tera,
Hayat zauq-e-safar ke siwa kuch aur nahi.
Giraan baha hai tu hifz-e-khudi se hai warna,
Gahr mein aab-e-gahr ke siwa kuch aur nahi.
Ragon mein gardish-e-khoon hai agar to kya hasil,
Hayat sooz-e-jigar ke siwa kuch aur nahi.
Dil soz se khaali hai, nigah paak nahi hai
Phir is mein ajab kya ke tu be-baak nahi hai.
Hai zouq-e-tajalli bhi isi khaak mein pinha
Ghaafil tu nira sahib-e-idraak nahi hai.
Kya soofi o mila ko khabar mere junoon ki
Un ka sar daman bhi abhi chaak nahi hai.
.
Kushada dast-e-karam jab woh be-niyaaz kare
Niyaaz mand na kyun aajzi pe naaz kare
Bitha ke arsh pe rakha hai tu ne aye wa’ez
Khuda woh kya hai jo bandon se ihtiraaz kare
Meri nigah mein woh rind hi nahin saqi
Jo hoshiyari o masti mein imtiaz kare
Madam gosh ba dil reh yeh saaz hai aisa
Jo ho shikasta to paida nawa-e-raaz kare
Madam gosh ba dil reh yeh saaz hai aisa
Jo ho shikasta to paida nawa-e-raaz kare
Koi yeh poochhe ke wa’ez ka kya bigarta hai
Jo be-amal pe bhi rehmat woh be-niyaaz kare
Misal-e-partav-e-me, toof-e-jaam karte hain
Yehin namaz ada subah-o-shaam karte hain
Khasoosiyat nahi kuch is mein ae Kaleem teri
Shajar hajar bhi Khuda se kalaam karte hain
Naya jahan koi ae shama dhoondiye ke yahan
Sitam kash tapish-e-na tamaam karte hain
Bhali hai hum-nafso is chaman mein khamoshi
Ke khushnawaon ko paaband-e-daam karte hain
Gharaz nishat hai shughul-e-sharaab se jin ki
Halaal cheez ko goya haraam karte hain
Bhala nibhegi teri hum se kyun kar ae wa’iz!
Ke hum to rasm-e-mohabbat ko aam karte hain
“Shaoor o hosh o khirad ka maamla hai ajeeb
Maqaam-e-shauq mein hain sab dil o nazar ke raqeeb”
“Main jaanta hoon jamaat ka hashr kya hoga
Masail-e-nazari mein ulajh gaya hai khateeb”
“Agarche mere nasheman ka kar raha hai tawaaf
Meri nawa mein nahi tair-e-chaman ka naseeb”
“Suna hai maine sukhan ras hai Turk-e-Usmaani
Sunaye kaun usay Iqbal ka yeh she’r ghareeb”
“Shaoor o hosh o khirad ka maamla hai ajeeb
Maqaam-e-shauq mein hain sab dil o nazar ke raqeeb”
Main jaanta hoon jamaat ka hashr kya hoga
Masail-e-nazari mein ulajh gaya hai khateeb”
“Agarche mere nasheman ka kar raha hai tawaaf
Meri nawa mein nahi tair-e-chaman ka naseeb”
Yeh surood-e-qamri o bulbul fareb-e-gosh hai
Baatin hungaama-abaad chaman khamosh hai
Tere peemanon ka hai yeh ae maay-e-maghrib asar
Khanda zan saqi hai, saari anjuman behosh hai
Dahr ke gham khanay mein tera pata milta nahi
Jurm tha kya afreenish bhi ke tu roposh hai
Jis ke dam se Dilli o Lahore hum pehlu hue
Aah, ae Iqbal woh bulbul bhi ab khamosh hai
Miṭā diyā mere sāqī ne ālam-e-man-o-tu
Pilā ke mujh ko may lā ilāha illā Hū
Na may na shair na sāqī na shor-e-chang o rabāb
Sukūt-e-koh o lab-e-jo o lāla-e-khūd ro
Gadā-e-maykada kī shān-e-be-niyāzī dekh
Pahunch ke chashma-e-ḥaywān pe toṛtā hai sabū
Mainūn niyāz hoon, mujh se ḥijāb hī awlā
Ke dil se baṛh ke hai merī nigāh beqābū
Agarche bahr kī maujōn mein hai maqām us kā
Ṣafā-e-pākī-e-ṭīnat se hai guhar kā wuzū
Jamīl-tar hain gul o lāla faiz se is ke
Nigāh-e-shā’ir-e-rangīn nawā mein hai jādū
“Mile ga manzil-e-maqsood ka usi ko suraagh,
Andheri shab mein hai cheetay ki aankh jiska chiraagh.”
Mayassar aati hai fursat faqat ghulamon ko,
Nahi hai banda-e-hur ke liye jahaan mein faraagh.”
Farogh-e-Maghribiyan kheera kar raha hai tujhe,
Teri nazar ka nigehbaan ho saahib-e-‘mazaagh’.”
“Woh bazm-e-aish hai mehmaan yak nafas do nafas,
Chamak rahe hain misaal-e-sitaara jiske ayaagh.”
Yeh hooriyan-e-farangi dil-o-nazar ka hijaab
Bihisht-e-maghribiyan jalway haaye paa-b-rakaab
Dil-o-nazar ka safeena sambhal kar le jaa
Mah-o-sitara hain bahr-e-wujood mein girdaab
Jahaan-e-saut-o-sada mein sama nahin sakti
Lateefa-e-azli hai fighaan-e-chang-o-rabaab
Sikha diye hain usay shewa-haye khaanaqahi
Faqih-e-shehr ko soofi ne kar diya hai kharaab
Woh sajda rooh-e-zameen jis se kaanp jaati thi
Usi ko aaj taraste hain minbar-o-mehraab
Suni na Misr-o-Filasteen mein woh azaan main ne
Diya tha jis ne pahaadon ko ra’asha-e-seemaab
