“Jugnu ki roshni hai kashan-e-chaman mein
Ya shama jal rahi hai phoolon ki anjuman mein”
“Aaya hai aasman se ud kar koi sitara
Ya jaan par gayi hai mehtab ki kiran mein”
“Ya shab ki saltanat mein din ka safeer aaya
Ghurbet mein aa ke chamka, gumnaam tha watan mein”
“Tukma koi gira hai mehtab ki qaba ka
Zarra hai ya numayan sooraj ke pairahan mein
“Husn-e-qadeem ki ek posheeda yeh jhalak thi
Le aayi jis ko qudrat khalwat se anjuman mein”
“Chhotay se chaand mein hai zulmat bhi roshni bhi
Nikla kabhi gahan se, aaya kabhi gahan mein”
