Dukh fasana nahi ke tujh se kahen
Dil bhi maana nahi ke tujh se kahen
Aaj tak apni baykali ka sabab
Khud bhi jaana nahi ke tujh se kahen
Be tarah haal-e-dil hai aur tujh se
Dostana nahi ke tujh se kahen
Ek to harf aashna tha magar
Ab zamana nahi ke tujh se kahen
Qasida hum faqeer logon ka
Ek thikana nahi ke tujh se kahen
Ae Khuda dard-e-dil hai bakhshish-e-doost
Aab-o-dana nahi ke tujh se kahen
Ab to apna bhi is gali mein, Faraz
Aana jaana nahi ke tujh se kahen
