Posted on

“Dhoond raha hai Farang aish-e-jahan ka dawaam,

“Dhoond raha hai farang aish-e-jahan ka dawaam,
Waaye tamannaye khaam, waaye tamannaye khaam.

“Peer-e-haram ne kaha sun ke meri royeedaad,
Pukhta hai teri fughān, ab na usay dil mein thaam.”

“Tha arni go Kaleem, main arni go nahi,
Us ko taqaza rawa, mujh pe taqaza haraam.”

 

“Garchay hai afshaye raaz ahl-e-nazar ki fughān,
Ho nahin sakta kabhi shewa-e-rindaana aam.”
“Halqa-e-soofi mein zikr be-nam o be-soz o saaz,
Main bhi raha tishna-kaam, tu bhi raha tishna-kaam.”
“Ishq teri inteha, ishq meri inteha,
Tu bhi abhi na-tamaam, main bhi abhi na-tamaam.”
Posted on

Zindagi insān ki ek dam ke siwā kuch bhi nahīn

Zindagi insān ki ek dam ke siwā kuch bhi nahīn
Dam hawa ki mauj hai, ram ke siwā kuch bhi nahīn

Gul-e-tabassum keh raha tha zindagāni ko magar
Sham’a boli, gireh-e-gham ke siwā kuch bhi nahīn

 

Raaz-e-hasti raaz hai jab tak koi muhram na ho
Khul gaya jis dam, to muhram ke siwā kuch bhi nahīn
Zairān-e-Ka’bah se Iqbal yeh poochhe koi
Kya Haram ka tohfa zamzam ke siwā kuch bhi nahīn
Posted on

Mujhe aah o faghān neem shab ka phir paighām āyā

Mujhe aah o faghān neem shab ka phir paighām āyā
Tham ae rah roo, ke shayad phir koi mushkil maqām āyā

Zara taqdeer ki gehraiyon mein doob ja to bhi
Ke is jangaah se main ban ke tegh be niyam āyā

Yeh misra likh diya kis shauk ne mihrab masjid par
Yeh nadān gir gaye sajdon mein jab waqt-e-qiyām āyā

Chal ae meri gharibī ka tamāsha dekhne wale
Woh mehfil uṭh gayi jis dam tu mujh tak door jām āyā

Diya Iqbal ne Hindi Musalmanon ko sooz apna
Yeh ek mard-e-tan aasan tha tan aasano ke kaam āyā

Usi Iqbal ki main jostuju karta raha barson
Bari muddat ke baad aakhir woh shaheen zair-e-dām āyā

 

Posted on

Apni jolān-gāh zīr āsmān samjhā thā main

Apni jolahn-gah zīr āsmān samjhā thā main
Āb o gul ke khel ko apnā jahān samjhā thā main.

Be hijābī se terī, toṭā nigāhon ka talism
Ek radā’e neelgūn ko āsmān samjhā thā main.

Kārwān thak kar fazā ke pech o kham mein reh gaya
Mehr o māh o mushṭarī ko ham anān samjhā thā main.

Ishq ki ek just ne tay kar diya qissa tamam
Is zameen o āsmān ko bekraān samjhā thā main.

Thi kisi darmāndah rahro ki sadae dardnāak
Jis ko āwāz-e Rahil kārwān samjhā thā main.

Apni jolān-gāh zīr āsmān samjhā thā main
Āb o gul ke khel ko apnā jahān samjhā thā main.

 

 

Posted on

Pooch us se ke maqbul hai fitrat ki gawahi

Pooch us se ke maqbul hai fitrat ki gawahi
To sahib-e manzil hai ya bhatka hua raahi.

Kāfir hai musalman to na shāhī na faqīrī
Momin hai to karta hai faqīrī mein bhi shāhī.

Kāfir hai to shamsheer pe karta hai bharosā
Momin hai to be-tegh bhi larta hai sipāhi.

 

Kāfir hai to hai tābi’ taqdeer musalman
Momin hai to woh aap hai taqdeer-e ila

Maine to kiya pardah-e asrār ko bhi chāk
Deerīnah hai terā marz, kur nigāhī.

 

Posted on

Kushāda dast karam jab woh be-niyāz kare

Kushāda dast karam jab woh be-niyāz kare
Niyāz mand na kyun ājizi pe nāz kare.

 

Bithā ke arsh pe rakha hai tū ne, ae wā’iz
Khuda woh kyā hai jo bandon se ihtirāz kare.

Meri nigāh mein woh rind hi nahīn sāqi
Jo hoshiyārī aur masti mein imtīyāz kare.

Madām gōsh beh dil rah, yeh sāz hai aisa
Jo ho shikasta, to paidā nawā-e rāz kare.

Koi yeh pūchhe ke wā’iz ka kya bigadta hai
Jo be-amal pe bhi rahmat woh be-niyāz kare.

Sakhan mein sooz-e ilahi kahān se aata hai
Yeh cheez woh hai ke patthar ko bhi gadāz kare.

Tamiz lāle o gul se hai nāla-e bulbul
Jahān mein wa na koi chashm-e imtīyāz kare.

Ghurūr-e zohd ne sikhla diya hai wā’iz ko
Ke bandagān-e Khuda par zabān darāz kare.

 

Hawa ho aisi ke Hindustan se, ae Iqbal
Uda ke mujh ko gubar-e rah-e Hijaz kare.

 

Posted on

Ek danish noorani, ek danish burhani

Ek danish noorani, ek danish burhani
Hai danish burhani, hairat ki frawani.

 

Is paikar khaki mein ek shay hai, so woh teri
Mere liye mushkil hai, is shay ki nigahbani.

Tere bhi sanam khāne, mere bhi sanam khāne
Dono ke sanam khāki, dono ke sanam fānī.

 

 

Ho naqsh agar bātil, takrār se kyā hasil
Kya tujh ko khush ātī hai ādam ki yeh arzānī?

Mujh ko to sikhā di hai Afrang ne zindiqi
Is dor ke milā hain kyun nang Muslimānī?
Taqdeer shikan quwat bāqi hai abhi is mein
Nādan jise kehte hain, taqdeer ka zindānī
Posted on

Meri nawa se hue zinda aaref o aami

Meri nawa se hue zinda aaref o aami
Diya hai maine unhein zauq-e-aatish-e-aashaami

Haram ke paas koi ajami hai zamzama sanj
Ke taar taar hue jaamaaye ehraami

Haqeeqat-e-abadi hai maqam-e-shabeeri
Badalte rahte hain andaaz-e-koofi o shaami

Mujhe yeh dar hai maqamir hain pukhta kaar bahut
Na rang laaye kahin tere haath ki khaami

Ajab nahin ke Musalman ko phir ata kar dein
Shikvah-e-Sanjar o fiqr-e-Junaid o Bastami

 

Qabaaye ilm o hunar lutf-e-khaas hai warna
Teri nigah mein thi meri na khush andaami

 

 

Posted on

Teri mataa-e-hayat ilm o hunar ka suroor

Teri mataa-e-hayat, ilm o hunar ka suroor
Meri mataa-e-hayat ek dil naasboor!

Ek zamaane se hai chaak-e-girebaan mera
Tu hai abhi hosh mein, mere junoon ka qasoor

 

Maslahatān keh diya maine Musalman tujhe
Tere nafs mein nahin, garmi-e-Yawm al-Nashoor

 

Faiz-e-nazar ke liye zabt-e-sukhan chahiye
Harf-e-preshan nah keh, ahl-e-nazar ke huzoor

 

Khwaar jahaan mein kabhi ho nahin sakti woh qoum
Ishq ho jis ka jasoor, fiqr ho jis ka ghayoor

 

 

Posted on

Mataa-e-be baha hai dard o sooz aarzoo mandi

Mataa-e-be baha hai dard o sooz aarzoo mandi
Maqaam-e-bandagi de kar na loon shaan-e-khudawandi

Tere aazaad bandon ki na yeh duniya na woh duniya
Yahan marne ki pabandi wahan jeene ki pabandi

Hijab ikseer hai aawara-e-koye mohabbat ko
Meri aatish ko bhadkati hai teri deer paewandi

Guzar auqaat kar leta hai yeh koh o beyaabaan mein
Ke shaheen ke liye zillat hai kaar-e-ashyaan bandi

Yeh faizaan-e-nazar tha ya ke maktab ki karamath thi
Sikhaye kisne Ismail ko aadaab-e-farzandi

Ziyarat-gah-e-ahle azm o himmat hai lahad meri
Ke khaak-e-rah ko maine bataya raaz-e-alwandi

Meri mushatagi ki kya zaroorat husn-e-ma’ni ko
Ke fitrat khud bakhud karti hai laale ki hina bandi