Posted on

Yeh peeran-e-kaleesa o haram, aye waaye majboori

Yeh peeran-e-kaleesa o haram, aye waaye majboori
Sila un ki kadd-o-kawish ka hai seenon ki be-noori.

Yaqeen paida kar ae nadan, yaqeen se haath aati hai
Woh darveshi ke jis ke samne jhukti hai faghfoori.

Had-e-idraak se baahir hain baatein ishq o masti ki
Samajh mein is qadar aaya ke dil ki maut hai doori.

 

Kabhi hairat, kabhi masti, kabhi aah-e-sehergahi
Badalta hai hazaron rang, mera dard-e-mehjoori.

Woh apne husn ki masti se hain majboor-e-pedai
Meri aankhon ki beenai mein hain asbaab-e-mastoori.

Koi taqdeer ki mantiq samajh sakta nahi warna
Na thay Turkhan-e-Usmani se kam Turkhan-e-Temoori.

 

Posted on

Zamana dekhe ga jab mere dil se mahshar uthe ga guftagu ka

Zamana dekhe ga jab mere dil se mahshar uthe ga guftagu ka
Meri khamoshi nahi hai, gaye mazaar hai harf-e-arzu ka

Jo mauj darya lagi yeh kehne, safar se qaim hai shaan meri
Gohar yeh bola sadaf nishini hai mujh ko samaan aabroo ka

Na ho tabiyat hi jin ki qaabil, woh tarbiyat se nahi sanwartay
Hawa na sarsabz reh ke paani mein aaks-e-sarv-e-kinaara jo ka

 

Agar koi shay nahi hai panha, to kyun sarapa talash hoon main
Nigaah ko nazaraye ki tamanna hai, dil ko soda hai jastajoo ka

Chaman mein gulchein se gunchah kehta tha, itna be-dard kyun hai insaan
Teri nigaahon mein hai tabassum, shikasta hona mere saboo ka

 

 

Posted on

Ae baad-e-saba! Kamli walay se jaa kehiyo paighaam mera

Ae baad-e-saba! Kamli walay se jaa kehiyo paighaam mera
Qabze se ummat bechaari ke deen bhi gaya, duniya bhi gayi

Yeh mauj-e-pareshan khatir ko paighaam lab-e-saahil ne diya
Hai door wisaal-e-bahr bhi, tu darya mein ghabra bhi gayi!

Izzat hai mohabbat ki qaim ae Qais! hijaab-e-mahmal se
Mahmal jo gaya izzat bhi gayi, ghairat bhi gayi, Layla bhi gayi

Ki tark-e-tag-o-do qatre ne to aabroo-e-gohar bhi mili
Aawargi-e-fitrat bhi gayi aur kashmakash-e-darya bhi gayi

Nikli to lab-e-Iqbal se hai, kya janiye kis ki hai yeh sada
Paighaam-e-sukoon pohancha bhi gayi, dil-e-mahfil ka tarpa bhi gayi

 

Posted on

Kho na ja is seher-o-shaam mein ae saahib-e-hosh

Kho na ja is seher-o-shaam mein ae saahib-e-hosh
Ek jahaan aur bhi hai jismein na farda hai na dosh

Kis ko maloom hai hungaama-e-farda ka maqaam
Masjid o maktab o mekhana hain muddat se khamosh

Maine paaya hai use ashk-e-sehergaahi mein
Jis dar-e-naab se khaali hai sadaf ki aaghosh

Nai tehzeeb takalluf ke siwa kuch bhi nahi
Chehra roshan ho to kya haajat-e-gulgoona farosh

Saahib-e-saaz ko laazim hai ke ghaafil na rahe
Gaah-e-gaah-e ghalat aahang bhi hota hai suraash

 

Posted on

Mir sipah-e-na-saza lashkariyaan shikasta saf

Mir sipah-e-na-saza lashkariyaan shikasta saf
Aah wo teer-e-neem kash jis ka na ho koi hadaf

Tere muheet mein kahin gauhar-e-zindagi nahin
Dhoond chuka main mauj mauj, dekh chuka sadaf sadaf

Ishq bataan se haath utha apni khudi mein doob ja
Naqsh o nigaar deir mein khoon-e-jigar na kar talaf

Khol ke kya bayan karun sar maqam marg o ishq
Ishq hai marg basharaf, marg hayat be sharaf

Suhbat-e-peer-e-Room se mujh pe hua yeh raaz faash
Laakh hakeem sarbajeeb ek Kaleem sar bakaf

Misal-e-Kaleem ho agar ma’rikah azma koi
Ab bhi darakht-e-Toor se aati hai bang “la takhaf”

Posted on

“Khird ne mujh ko ata ki nazar hakeemana” translates to

Khird ne mujh ko ata ki nazar hakeemana
Sikhayi ishq ne mujh ko hadees rindaana

Na baadah hai na suraahi na dour paimana
Faqat nigah se rangeen hai bazm jaanana

Meri nawaye pareshan ko shaayari na samajh
Ke main hoon mahram-e-raaz daroon-e-maikhana

Kali ko dekh ke hai tashna-e-naseem-e-sehar
Isi mein hai mere dil ka tamaam afsana

Koi bataye mujhe yeh ghayab hai ke huzoor
Sab aashna hain yahan, ek main hoon begaana

Farang mein koi din aur bhi thehar jaaun
Mere junoon ko sambhale agar yeh veerana

 

Posted on

“Zamistānī hawā mein garche thī shamshīr kī tezī

“Zamistānī hawā mein garche thī shamshīr kī tezī
Na chhoṭe mujh se London mein bhī ādāb-e sahar khezī”

“Kahīṅ sarmāya-e-maḥfil thī merī garm guftārī
Kahīṅ sab ko pareshaṅ kar gayī merī kam āmezī

“Zamām-e kār agar mazdoor ke hāthon mein ho phir kyā
Tarīq-e kohkan mein bhī wohī ḥīle hain Parvezī”

“Jalāl-e pādshāhī ho ke jamhūrī tamāshā ho
Judā ho dīn siyāsat se to reh jātī hai Changēzī”

“Sawād-e Rūmāt al-Kubrā mein dilī yād ātī hai
Wohī ibrat, wohī ʿaẓmat, wohī shān dil āvīzī”

 

Posted on

“Terī nigāh faromāyah, hāth hai kotāh

“Terī nigāh faromāyah, hāth hai kotāh
Tirā gunah ke nakhīl-e buland kā hai gunāh”

“Gulā to ghoṇṭ diyā ahl-e-madrasa ne tirā
Kahān se āye ṣadā lā ilāhā illā Allāh”

“Khudī mein gum hai khudā’ī talāsh kar ghāfil
Yehī hai tere liye ab ṣalāḥ kār kī rāh”

“Ḥadīth-e dil kisī darwesh be-galīm se pūch
Khudā kare tujhe tere maqām se āgāh”

“Barahna sar hai to azm-e buland paidā kar
Yahān faqat sar-e shāhīn ke wāste hai kalāh”

“Nah hai sitāre kī gardish, nah bāzī aflāk
Khudī kī maut hai terā zawāl-e ni’mat o jāh”

 

 

Posted on

Hadsa woh jo abhi pardah-e-aflak mein hai.”

“Hadsa woh jo abhi pardah-e-aflak mein hai,
Aks uska mere aainay-e-idraak mein hai.”

“Na sitaray mein hai, na gardish-e-aflak mein hai,
Teri taqdeer mere naale-e-be-baak mein hai

 

“Kya ajab meri nawaaye sahrgahi se,
Zinda ho jaye woh aatish jo teri khaak mein hai.”

“Tord daale gi yehi khaak talism-e-shab-o-roz,
Garchay uljhi hui taqdeer ke pechak mein hai.”

 

 

Posted on

“Ishq se paida nawā-e-zindagi mein zairo bam.”

“Ishq se paida nawā-e-zindagi mein zairo bam,
Ishq se mitti ki tasveeron mein sooz-e-damdam.”

“Aadmi ke reshay reshay mein sama jata hai ishq,
Shaakh-e-gul mein jis tarah baad-e-sahar-gahi ka nam.”

“Apne raazq ko na pehchane to mohtaj malook,
Aur pehchane to hain tere gadaa Dara aur Jam.”

“Dil ki azadi, shahan-shahi, shikam samaan maut,
Faisla tera tere haathon mein hai, dil ya shikam.”

“Ae Musalmaan, apne dil se pooch, mila se na pooch,
Ho gaya Allah ke bandon se kyun khaali Haram.”