Posted on

Aashiqui mein Mir jaise khwaab mat dekha karo

Aashiqui mein Mir jaise khwaab mat dekha karo
Bawlay ho jaoge, mahtab mat dekha karo

Justa justa parh liya karna mazameen-e-wafa
Par kitaab-e-ishq ka har baab mat dekha karo

Is tamashe mein ulat jaati hain aksar kishtiyan
Doobne walon ko zair-e-aab mat dekha karo

Mai kade mein kya takalluf, mai kashi mein kya hijab
Bazm-e-saqi mein adab aadaab mat dekha karo

Hum se darveshon ke ghar aao to yaaron ki tarah
Har jagah khaskhana o barf-aab mat dekha karo

Maange taange ki qabain der tak rehti nahi
Yaar logon ke laqab o alqaab mat dekha karo

Tashnagi mein lab bhigo lena bhi kaafi hai Faraz
Jaam mein sahba hai ya zehr-aab mat dekha karo

 

Related Posts:

Posted on

Zahir ki aankh se na tamasha kare koi

Khul jaayein, kya maze hain tamannaaye shauq mein Do chaar din jo meri tamanna kare koi

 

 

Nazaaray ko yeh janbish-e mijgaan bhi baar hai Nargis ki aankh se tujhe dekha kare koi

 

Uzr-aafreen jurm-e mohabbat hai husn-e dost Mahshar mein uzr taza na paida kare koi

 

Mansoor ko huwa lab-gooya paighaam-e maut Ab kya kisi ke ishq ka daawa kare koi

 

Ud baithe kya samajh ke bhala toor par Kaleem Taqat ho deed ki to taqaza kare koi

Ho deed ka jo shauq to aankhon ko band kar Hai dekhna yehi ke na dekha kare koi

 

Chhipti nahi hai yeh nagah-e shauq hum-nashin Phir aur kis tarah unhein dekha kare koi

 

 

Main intehaye ishq hoon, tu intehaye husn Dekhe mujhe ke tujh ko tamasha kare koi

 

 

Related Posts:

Posted on

Naala hai bulbul shorida tera khaam abhi

Naala hai bulbul shorida tera khaam abhi Apne seenay mein ise aur zara thaam abhi

Pukhta hoti hai agar maslahat andesh ho aqal Ishq ho maslahat andesh to hai khaam abhi

Bekhatar kood pada aatish-e Namrood mein ishq Aqal hai mehvo-e tamasha-e lab-e baam abhi

 

Ishq farmooda-e qasid se sabuk gaam-e amal Aqal samjhi hi nahi ma’ni-e paighaam abhi

Shivay-e ishq hai azadi o dahr aashoobi Tu hai zanari-e but khanay-e ayaam abhi

Uzr-e parhez pe kehta hai bigad kar saaqi Hai tere dil mein wahi kaawish anjaam abhi

Sa’i-e paiman hai tarazu-e kam o kaif hayat Teri mizaan hai shumar-e seher o shaam abhi

Abr-e naysan yeh tankh bakhshi-e shabnam kab tak Mere kehsaar ke laalay hain tehi jaam abhi

 

Bada gardaan-e ajam woh arabi meri sharab Mere saaghar se jhijakte hain mei aasham abhi

Khabar Iqbal ki laaye hai gulistan se naseem Nau girftar phadakta hai teh daam abhi

 

Related Posts:

Posted on

Har koi dil ki hathili pe hai sahra rakhe

Har koi dil ki hathili pe hai sahra rakhe
Kis ko seeraab kare, woh kise pyaasa rakhe

Umr bhar kaun nibhaata hai talluq itna
Ae meri jaan ke dushman, tujhe Allah rakhe

Hum ko achha nahi lagta koi hum naam tera
Koi tujh sa ho to phir naam bhi tujh sa rakhe

Kam nahi tamaa ibadat bhi to hirs-e-zar se
Faqr to woh hai ke jo deen na duniya raqhy

Hans na itna bhi faqiro ke akele pan par
Ja Khuda meri tarah tujhe bhi tanha rakhe

Yeh qana’at hai, ita’at hai ke chahat hai Faraz
Hum to raazi hain woh jis haal mein jaisa rakhe

Related Posts:

Posted on

Ab ke tajdeed-e-wafa ka nahi imkaan jana

Ab ke tajdeed-e-wafa ka nahi imkaan jana
Yaad kya tujh ko dilayein tera paimaan jana

Yun hi mausam ki ada dekh ke yaad aaya hai
Kis qadar jald badal jaate hain insaan jana

Zindagi teri ata thi so tere naam ki hai
Hum ne jaise bhi basar ki tera ehsaaan jana

Dil yeh kehta hai ke shayad hai fasurda tu bhi
Dil ki kya baat karein, dil to hai naadaan jana

Awwal awwal ki mohabbat ke nashe yaad to kar
Be piye bhi tera chehra tha gulistan jana

Aakhir aakhir to yeh aalam hai ke ab hosh nahi
Rag-e-meena sulag uthi ke rag-e-jaan jana

Muddaton se yehi aalam na tawakku na umeed
Dil pukare hi chala jata hai jana jana

Hum bhi kya saada the, hum ne bhi samajh rakha tha
Gham-e-dawran se juda hai gham jana jana

Ab ke kuch aisi saji mehfil-e-yaaran jana
Sar ba zanoo hai koi, sar ba gareebaan jana

Har koi apni hi awaaz se kanp uthta hai
Har koi apne hi saaye se haraasan jana

Jis ko dekho wahi zanjeer-e-paa lagta hai
Shehar ka shehar hua daakhil-e-zindan jana

Ab tera zikr bhi shayad hi ghazal mein aaye
Aur se aur hue dard ke unwan jana

Hum ke roothi hui rut ko bhi mana lete the
Hum ne dekha hi na tha mausam-e-hijraan jana

Hosh aaya to sabhi khwab the reiza reiza
Jaise udte hue awraaq pareshaan jana

Related Posts:

Posted on

Khudī woh bahr hai jis kā koī kināra nahīn

Khudī woh bahr hai jis kā koī kināra nahīn
Tū āb jo ise samjhā agar tū chārah nahīn

Ṭilasm-e gunbad-e gardūn ko toṛ sakte hain
Zujāj kī yeh ʿimārat hai sang-e khāra nahīn

Khudī mein doobte hain phir ubhar bhi āte hain
Magar yeh ḥausla-e mard hīch kāra nahīn

Tere maqām ko anjum-shanās kyā jāne
Ke khāk zindah hai to tābiʿ sitārah nahīn

Yahīn behisht bhi hai, ḥūr o Jibrīl bhi hai
Tērī nigāh mein abhi shaukī nazāra nahīn

Ghazab hai ʿayn-e karam mein bukhīl hai fiṭrat
Ke lāl-e nāb mein ātesh to hai sharārah nahīn

Mere junūn ne zamāne ko khūb pechānā
Woh pīrahan mujhe bākhashā ke pāra pāra nahīn

 

 

 

Related Posts:

Posted on

Dost ban kar bhi nahi saath nibhaane wala

Dost ban kar bhi nahi saath nibhaane wala
Wohi andaaz hai zalim ka zamane wala

Ab use log samajhte hain giraftar mera
Sakht naadam hai mujhe daam mein laane wala

Subah dam chhod gaya nikhat-e-gul ki soorat
Raat ko gunchay-e-dil mein simat aane wala

Kya kahin kitne marasim the hamare is se
Woh jo ek shakhs hai munh pher ke jaane wala

Tere hote hue aa jaati thi saari duniya
Aaj tanha hoon to koi nahi aane wala

Muntazir kis ka hoon tooti hui dehleez pe main
Koon aaye ga yahan, koon hai aane wala

Kya khabar thi jo meri jaan mein ghula hai itna
Hai wohi mujh ko sardaar bhi laane wala

Maine dekha hai bahaaron mein chaman ko jalte
Hai koi khwab ki tabeer batane wala

Tum takalluf ko bhi ikhlaas samajhte ho Faraaz
Dost hota nahi har haath milane wala

Related Posts:

Posted on

Abhi kuch aur karishmey ghazal ke dekhte hain

Abhi kuch aur karishmey ghazal ke dekhte hain
Faraaz, ab zara lehja badal ke dekhte hain

Judaiyan to muqaddar hain, phir bhi jaan-e-safar
Kuch aur door zara saath chal ke dekhte hain

Rah-e-wafa mein hareef-e-kharaam koi to ho
So apne aap se aage nikal ke dekhte hain

Tu samne hai to phir kyun yaqeen nahi aata
Yeh baar baar jo aankhon ko mil ke dekhte hain

Yeh kaun log hain mojood teri mehfil mein
Jo laalachon se tujhe mujh ko jal ke dekhte hain

Yeh qurb kya hai ke yak jaan hue na door rahe
Hazaar ek hi qaalib mein dhal ke dekhte hain

Na tujh ko maat hui hai na mujh ko maat hui
So ab ke dono hi chaalain badal ke dekhte hain

Yeh kaun hai sar-e-sahil ke doobne wale
Samundaron ki tehon se uchhal ke dekhte hain

Abhi talak to na kandan hue na raakh hue
Hum apni aag mein har roz jal ke dekhte hain

Bohat dino se nahi hai kuch is ki khair khabar
Chalo Faraaz, ko ae yaar chal ke dekhte hain

 

Related Posts:

Posted on

Silsile toṛ gaya wo sabhi jaate jaate

Silsile toṛ gaya wo sabhi jaate jaate
Warna itne to marasim the ke aate jaate

Shikva-e-zulmat-e-shab se to kahin behtar tha
Apne hisse ki koi shama jalate jaate

Kitna aasan tha tere hijr mein marna jana
Phir bhi ek umr lagi jaan se jaate jaate

Jashn-e-maqtal hi na barpa hua, warna hum bhi
Pa-bajolaan hi sahi, naachte gaate jaate

Us ki woh jaane, usay paas-e-wafa tha ke na tha
Tum Faraaz apni taraf se to nibhaate jaate

 

 

Related Posts: