Author: Noor Akhter

Khudī woh bahr hai jis kā koī kināra nahīn
Tū āb jo ise samjhā agar tū chārah nahīn

Ṭilasm-e gunbad-e gardūn ko toṛ sakte hain
Zujāj kī yeh ʿimārat hai sang-e khāra nahīn

Khudī mein doobte hain phir ubhar bhi āte hain
Magar yeh ḥausla-e mard hīch kāra nahīn

Tere maqām ko anjum-shanās kyā jāne
Ke khāk zindah hai to tābiʿ sitārah nahīn

Yahīn behisht bhi hai, ḥūr o Jibrīl bhi hai
Tērī nigāh mein abhi shaukī nazāra nahīn

Ghazab hai ʿayn-e karam mein bukhīl hai fiṭrat
Ke lāl-e nāb mein ātesh to hai sharārah nahīn

Mere junūn ne zamāne ko khūb pechānā
Woh pīrahan mujhe bākhashā ke pāra pāra nahīn

 

 

 

 

Metā’ be bahā hai dard o soz ārazū mandī
Maqām-e bandagī de kar na loon shān-e khudāwandī

Guzar ʿuqāt kar letā hai yeh kūh o biyābān mein
Ke shāhīn ke liye zilat hai kār āshiyānā bandī

Ziyārat-gāh ahl-e azm o himmat hai lahd merī
Ke khāk rāh ko maine batāyā rāz alwandī

 

 

 

 

Wohi meri kam-naseebi, wohi teri be-niaazi Mere kaam kuch na aaya, yeh kamal-e-nawaazi

Main kahaan hoon, tu kahaan hai, yeh makaan ke laa makaan hai Yeh jahaan mera jahaan hai, ke teri karishma saazi

 

Isi kashmakash mein guzri meri zindagi ki raatain Kabhi soz-o-saaz-e-Rumi, kabhi pech-o-taab-e-Razi

Na zubaan koi ghazal ki, na zubaan se ba-khabar main Koi dil-kasha sada ho, ajmi ho ya ke taazi

 

Nahiñ fiqr o saltanat mein koi imtiaaz aisa Yeh sipah ki tegh-baazi, woh nigah ki tegh-baazi

Koi caravan se toota, koi bad-gumaan Haram se Ke ameer-e-caravan mein nahi khooye dil nawazi

 

Muslim ke lahoo mein hai saleeka dil nawazi ka Murovat husn aalam geer hai mardan ghazi ka

Shikayat hai mujhe, ya Rab, Khudawandon-e-maktab se Sabaq shaheen bachon ko de rahe hain khak-baazi ka

Bahut muddat ke nakchiroon ka andaaz-e-nigah badla Ke maine faash kar daala tareeqa shahbaazi ka

Qalandar jaz do harf “la ilaha” kuch bhi nahi rakhta Faqeeh-e-shahr qaaroon hai lughat-e-Hijazi ka

Hadith-e-baada-o-meena-o-jaam aati nahi mujhko Na kar khaarashgaafon se taqaaza sheesha saazi ka

Kahan se tune, aye Iqbal, seekhi hai yeh darveshi Ke charcha padhshahon mein hai teri be-niaazi ka