Posted on

dil-e-nādāñ tujhe huā kyā hai

dil-e-nādāñ tujhe huā kyā hai
āḳhir is dard kī davā kyā hai

ham haiñ mushtāq aur vo be-zār
yā ilāhī ye mājrā kyā hai
maiñ bhī muñh meñ zabān rakhtā huuñ
kaash pūchho ki mudda.ā kyā hai

jab ki tujh bin nahīñ koī maujūd
phir ye hañgāma ai ḳhudā kyā hai

ye parī-chehra log kaise haiñ
ġhamza o ishva o adā kyā hai

shikan-e-zulf-e-ambarīñ kyuuñ hai
nigah-e-chashm-e-surma sā kyā hai

sabza o gul kahāñ se aa.e haiñ
abr kyā chiiz hai havā kyā hai

ham ko un se vafā kī hai ummīd
jo nahīñ jānte vafā kyā hai

haañ bhalā kar tirā bhalā hogā
aur darvesh kī sadā kyā hai

jaan tum par nisār kartā huuñ
maiñ nahīñ jāntā duā kyā hai

maiñ ne maanā ki kuchh nahīñ ‘ġhālib’
muft haath aa.e to burā kyā hai

Related Posts:

Posted on

Mere kehstaan! Tujhe chhod ke jaaoon kahan

Mere kehstaan! Tujhe chhod ke jaaoon kahan
Teri chataanon mein hai mere ab-o-jad ki khaak

Roz azal se hai tu manzil shaheen o chiragh,
Laale o gul se tehi, naghma bulbul se pak.

Tere kham o pech mein meri behisht bareen,
Khaak teri anbarin, aab tera taab naak.

Ae mere fiqr gheer! Faisla tera hai kya,
Khalat Angrez ya pirahan chaak chaak!

Related Posts:

Posted on

Garm fighaan hai jaras uth ke gaya qaafila

Garm fighaan hai jaras uth ke gaya qaafila
Waaye woh reh ro ke hai muntazir raahila

Teri tabiyat hai aur tera zamana hai aur
Tere mawafiq nahi khaankahi silsila

Dil ho ghulaam-e-khirad ya ke imam-e-khirad
Saalik-e-rah-e-hoshiyar, sakht hai ye marhala


Us ki khudi hai abhi shaam-o-sehar mein aseer
Gardish-e-dauran ka hai jis ki zubaan par gila

 

Related Posts:

Posted on

Kahoon kya arzuye be-dili mujh ko kahan tak hai

Kahoon kya arzuye be-dili mujh ko kahan tak hai
Mere bazaar ki raunaq hi soudaaye ziyaan tak hai.

Woh may kash hoon farogh may se khud gulzar ban jaaon
Hawaaye gul firaq saqi naamaharbaan tak hai.

 

Chaman afroz hai sayyad meri khushnawaai tak
Rahi bijli ki be-taabi, so mere aashiyaan tak hai.

Zamane bhar mein ruswa hoon magar ae waaye nadani!
Samajhta hoon ke mera ishq mere raazdaan tak hai.

 

Related Posts:

Posted on

Apni jolān-gāh zīr āsmān samjhā thā main

Apni jolahn-gah zīr āsmān samjhā thā main
Āb o gul ke khel ko apnā jahān samjhā thā main.

Be hijābī se terī, toṭā nigāhon ka talism
Ek radā’e neelgūn ko āsmān samjhā thā main.

Kārwān thak kar fazā ke pech o kham mein reh gaya
Mehr o māh o mushṭarī ko ham anān samjhā thā main.

Ishq ki ek just ne tay kar diya qissa tamam
Is zameen o āsmān ko bekraān samjhā thā main.

Thi kisi darmāndah rahro ki sadae dardnāak
Jis ko āwāz-e Rahil kārwān samjhā thā main.

Apni jolān-gāh zīr āsmān samjhā thā main
Āb o gul ke khel ko apnā jahān samjhā thā main.

 

 

Posted on

Jab yaar ne rakht-e-safar baandha, kab zabt ka paara us din tha

Jab yaar ne rakht-e-safar baandha, kab zabt ka paara us din tha
Har dard ne dil ko sehlaaya, kya haal humara us din tha

Jab khwaab huein us ki aankhein, jab dhund hua us ka chehra
Har ashk sitaara us shab tha, har zakhm angaara us din tha

Sab yaaron ke hote soote hum, kis se galay mil kar rote
Kab galiyan apni galiyan thin, kab sheher hamara us din tha

Jab tujh se zara ghaafil thehre, har yaad ne dil par dastak di
Jab lab pe tumhara naam na tha, har dukh ne pukara, us din tha

Ek tum hi Faraz na the tanha, ab ke to bila wajeb aayi
Ek bheed lagi thi maqtal mein, har dard ka maara us din tha

 

4o mini
Posted on

Karu na yaad magar kis tarah bhulaoon usay

Karu na yaad magar kis tarah bhulaoon usay
Ghazal bahaana karoon aur gungunaoon usay

Woh khaar khaar hai shaakh-e-gulaab ki maanind
Main zakhm zakhm hoon phir bhi galay lagaoon usay

Yeh log tazkare karte hain apne logon ke
Main kaise baat karoon, ab kahan se laoon usay

Magar woh zood faramosh, zood ranj bhi hai
Ke rooth jaye agar yaad kuch dilaoon usay

Wohi jo daulat-e-dil hai, wohi jo raahat-e-jaan
Tumhari baat pe ae nasihon, ganuaoon usay

Jo humsafar sar-e-manzil bichhad raha hai Faraz
Ajab nahi hai agar yaad bhi na aaon usay

Related Posts:

Posted on

Aashiqui mein Mir jaise khwaab mat dekha karo

Aashiqui mein Mir jaise khwaab mat dekha karo
Bawlay ho jaoge, mahtab mat dekha karo

Justa justa parh liya karna mazameen-e-wafa
Par kitaab-e-ishq ka har baab mat dekha karo

Is tamashe mein ulat jaati hain aksar kishtiyan
Doobne walon ko zair-e-aab mat dekha karo

Mai kade mein kya takalluf, mai kashi mein kya hijab
Bazm-e-saqi mein adab aadaab mat dekha karo

Hum se darveshon ke ghar aao to yaaron ki tarah
Har jagah khaskhana o barf-aab mat dekha karo

Maange taange ki qabain der tak rehti nahi
Yaar logon ke laqab o alqaab mat dekha karo

Tashnagi mein lab bhigo lena bhi kaafi hai Faraz
Jaam mein sahba hai ya zehr-aab mat dekha karo

 

Related Posts:

Posted on

Har koi dil ki hathili pe hai sahra rakhe

Har koi dil ki hathili pe hai sahra rakhe
Kis ko seeraab kare, woh kise pyaasa rakhe

Umr bhar kaun nibhaata hai talluq itna
Ae meri jaan ke dushman, tujhe Allah rakhe

Hum ko achha nahi lagta koi hum naam tera
Koi tujh sa ho to phir naam bhi tujh sa rakhe

Kam nahi tamaa ibadat bhi to hirs-e-zar se
Faqr to woh hai ke jo deen na duniya raqhy

Hans na itna bhi faqiro ke akele pan par
Ja Khuda meri tarah tujhe bhi tanha rakhe

Yeh qana’at hai, ita’at hai ke chahat hai Faraz
Hum to raazi hain woh jis haal mein jaisa rakhe

Related Posts:

Posted on

Ab ke tajdeed-e-wafa ka nahi imkaan jana

Ab ke tajdeed-e-wafa ka nahi imkaan jana
Yaad kya tujh ko dilayein tera paimaan jana

Yun hi mausam ki ada dekh ke yaad aaya hai
Kis qadar jald badal jaate hain insaan jana

Zindagi teri ata thi so tere naam ki hai
Hum ne jaise bhi basar ki tera ehsaaan jana

Dil yeh kehta hai ke shayad hai fasurda tu bhi
Dil ki kya baat karein, dil to hai naadaan jana

Awwal awwal ki mohabbat ke nashe yaad to kar
Be piye bhi tera chehra tha gulistan jana

Aakhir aakhir to yeh aalam hai ke ab hosh nahi
Rag-e-meena sulag uthi ke rag-e-jaan jana

Muddaton se yehi aalam na tawakku na umeed
Dil pukare hi chala jata hai jana jana

Hum bhi kya saada the, hum ne bhi samajh rakha tha
Gham-e-dawran se juda hai gham jana jana

Ab ke kuch aisi saji mehfil-e-yaaran jana
Sar ba zanoo hai koi, sar ba gareebaan jana

Har koi apni hi awaaz se kanp uthta hai
Har koi apne hi saaye se haraasan jana

Jis ko dekho wahi zanjeer-e-paa lagta hai
Shehar ka shehar hua daakhil-e-zindan jana

Ab tera zikr bhi shayad hi ghazal mein aaye
Aur se aur hue dard ke unwan jana

Hum ke roothi hui rut ko bhi mana lete the
Hum ne dekha hi na tha mausam-e-hijraan jana

Hosh aaya to sabhi khwab the reiza reiza
Jaise udte hue awraaq pareshaan jana

Related Posts: